Acts 21

Bulus Zan Kmaknayi Lo Urushelima

1Shi yi ɓei ku aje gna mi, na Afisus yi a tukwoda yi, ya lo eya ya lo Kos Efya gyi ya si Roda ya du ya lo Patara.

2N Patara ya lo eya kwoi lo Fonishiya n Suriya ʼkni. 3Ya duya ya gye Saipurus, amma yi to ɓei kpe zhi ɓo m, sai n Tayar dna n Suriya kni, n ɓo nu eya ɓei lo na kaya yi. 4Ya kun ya lo ya sun a Kristi yi ya fi n ɓai har mako gmanyi. Shekwoyi wa daɓo n Bulus yi n ɓa gbe ge wo to lo Urushelima m. 5Shi Lahadi ɓei wu vi ya jeze lo eya aba n gnisun a Kristi yi nɓa anyikwo yi n ɓa aɓi yi. N nuwan gbe eyi vinya ya kniakwokwo ya zhin aduwa. 6Yaku ka, ɓahin ɓa jeze lo api.

7Shi yi ɓo ku a Kristi yi ɓi gna n Tayar, ya lo Pitolemi, ya kpe zhi ɓo n nyipyei yi gmanyi, ya ɓi a Kristi yi gna. 8Ya ku ka ɓo, ya lo Kaisariya, ya lo Filibbus puwa waʼazi zhinyi nu n woi, wo zhin gmanyi nu dna aza, tnaba aɓei kni ntu nyagyi gna ɓo nyi. 9Wo ɓei anyigun yi ngun-anyi ɓa ɓei zhin anabi nu.

10Sa yi ɓo fi ɓo, Agabus wa gmi n Yahudiya wa ɓe, wo ɓei n nyaga anabci nya yi. 11Shi wo ɓei ɓe yi amisa, wa ku Bulus belti, wa pa wohin apita na bwa yi, wa gna, “Zafun Gyi-gyi-yi wa gna ge elo nu aɓa zhin n belti dagayi yi a Yahudiyi ɓa pa wo n Urushelima ɓa ga wo dna a Romayi akun.” 12Shi yi ɓo wo lonu a Kristi yi n Kaisariya n yi gnisun n woi nyi, ya gna wo ge wo to lo Urushelima m.

13Amma wagna ge, “Kni nu zhin fyei ci bwi a? Fye bma mi bugba ya nu. Mi n shiri zhin lo to ge ma lo kurkuku n Urushelima gmanyi m, amma ma fi ntu Dagayi Yesu Kristi ɓo.” 14Shi yi to ɓo mi n wo ɓo m, ya ku yi nya fa wa gna, “Shekwoyi ɓeye kwo ze lo nu.”

15Ya kuka ya ku eyi a kaya ya lo Urushelima. 16A Kristi yi n Kaisariya fyewyi ɓa kun lo n yi har Urushelima, shi yi ɓo si ya lo Manason puwa Saipuriyi za, Kristi yi kmisunyi nu ɓei n woi. 17A Yesu viyi vinya ɓa gwo yi na gmada yi.

18Efya gyi Bulus wa ku yi wa lo cei n Yakubu aba ɓedo ikklisiya; atukwoda yi n Urushelima, ya yezhi n ɓai. 19Shi yi ɓo ku aje ɓi gna Bulus wa gna ɓa anya vinya n Shekwoyi ku zhin n ya ba n abye do a tantasin.

20A da ɓa vinya ɓai ci Shekwoyi, ɓa gna omazado a Yahudiyi lo n mwa nɓa ku gaiciya ga, amma ɓa zhi ge har sayi a shi owa bwa na kunnu yi. 21A Yahudiyi a Kristi yi n ya ɓa ku wo ge ho zhin gaba lo n Musa owa yi na Yahudiyi kunnu yi, hoi gna ge a to zhin aɓi kaciya m. 22Yi ɓa zhin wunna? Ntu ge ɓa ɓa wo ge ho dna lo n ya.

23Yi ku kpe nya yi ɓa zhin, Aza lo n ya ngun-anyi nɓa ku shiri zhin ɓa wun tukwo ɓa zhin alkawali. 24Kun lo n ɓai a wun fye tukwo aduwa nyakun. Nha zhin lonu zaho-zahoi ɓa kpe ge ho ye lo na Yahudiyi kun-nu yi.

25Amma yi ta gna abye do lo, n ɓa vi Yesu nyi ge ɓa zhin kunnu ye m. Yi gna ge ɓa vi aɓo n yi ɓei ka fi ɓa n wasika nyi nu. To ɓa zhin anagbayin.

26Shi wo ɓei wo lonu, wa ye wa vi ɓa shaula wa lo aduwa nyakun wa ku kunnu. 27Ɓa ga sakirifais har anyipyei tnaba, nyipyei tnaba Yi a Yahudiyi ho a. Turkiyi, ɓa ɓe Urushelima ɓa gye wo dna aduwa nyakun. Ɓa zhin aza ɓa la rigima ka n Bulus yi. 28Ɓa wan wo ɓai ɓo wyi ɓai gna A Israilayi fye yewu. Oza i nyi n wo zhin waʼazi gaba n yi, woi gna aza ge ɓa to shi a Yahudiyi owa n. Har ma woi tu aduwa nyakun cegye, woi lo ɓe abyedo yi. 29Ɓa ɓo da lonu ntu ge, ɓa ɓo ku gye Bulus n Kunsun n Tirafimus yi. Wo ɓo zhin ebyedo nu, woi gmi Afisus n Turki ʼkni. Ɓa gye ngye Bulus la lo ɓe n woi nu na duwa nyakun.

30Ezhi vinya kwa ku wo ɓo na da tu Bulus tukwo. Ɓa gmi wo ya na duwa nyakun ɓa ku aba gu. 31Ɓai ye ɓa wu wo, amma a soja tukwoda wa wo sunu n zhi mi. 32N sai-sai yi wa tnu a soja yi ɓa lo rigima aba. Shi a Yahudiyi ɓo gye asoja ɓai ɓe ɓa ku fa Bulus lu ɓo. 33Soja tukwoda wa Bulus wan, wa wo pa agmayi, wa nya a Yahudiyi ɓo enya n Bulus zhin. 34Ɓa je kala ku na ɓeda yi ngye azhi n gnikwo. Amma to wa bwa ɓo kpalayi m, wa gna a soja ge ɓa lo n Bulus yi nɓa barki. 35A Yahudiyi ɓa vi lo ɓa zhin atna ge ba wu Bulus, amma a soja ɓa wo la tu agbe-gbegye ntu ge ɓa gni wo. 36Ɓai ɓowyi, ɓai gna a lo woi, a lo woi.

37Ai ye a lo dna n Bulus yi n nyakun, wa gna soja tukwoda ge, suku mi ye ma daɓo. Soja tukwoda wa nya wo ge, “Wo wo Helleni lo?” 38Oho nu to zhin Masar za n wo ɓo la wahala ka aye fyewyi n ɓa duya nyi har haku aza wuyi 4,000 ha lo ɓai n zhabui m.

39Bulus wa gna awo. Mi zhin Yahudiyayi nu mi gmi n Tarusus nu, n Silisiya kni. Mi ɓa ho ha ye ge ma daɓo na za deye yi.

Bulus Kna Aza Wyeya Tu Nwo Tnu-Tnu Ɓo

40Soja tukwoda wa esa ga wo, Bulus wa tu n nyakun she bayi, wa gna za ɓa ce pi wa da aɓeda ye n Ibrahim bye yi.